The Blog

Најдобрите вежби за пливање + 8 клучни придобивки од пливањето!


Пливањето е спорт што се чини дека честопати го практикуваме само кога сме млади. Но не смееме да заборавиме дека пливањето е една од најдобрите активности кои човек може да ги практикува за своето тело во текот на целата година. Прочитајте за да откриете зошто можеби е време да ги фатите вашите очила и капа за пливање.

8 предности на пливањето

Не постои нешто како чудо од тренинг, но доколку имаше, пливањето ќе котираше прилично високо на листата. Со физички и ментални придобивки, пливањето навистина може да го подобри целокупното здравје за краток временски период.

#1 Вашиот мозок ќе работи подобро. Ќе добиете многу повеќе од совршено тело, а тоа е поттик на вашиот мозок. Докажано е дека пливањето го зголемува протокот на крв во мозокот, што доведува до повеќе кислород. Тоа значи дека ќе бидете свежи, ќе имате подобра меморија и когнитивна функција.

Една интересна студија покажа дека само да се биде во базен со длабочина до вашите гради, има позитивен ефект врз протокот на крв во мозокот. Учесниците го зголемија протокот на крв во нивните церебрални артерии за 14 проценти.

#2 Пливањето им помага на децата. Една студија врз 7.000 деца под 5 години покажа дека децата кои пливале во раната возраст, постигнале вештини и достигнале физички раст и развој порано од нивните врсници кои не пливале.

#3 Ќе имате добро расположение. Ако пливате само во летните периоди, време е да се активирате и со пливање во зима. Иако температурите се пониски, една студија покажа дека пливачите кои биле активни во периодот од октомври до јануари, покажале помалку знаци на замор, напнатост и губење на меморијата. Не само тоа, туку пливачите кои страдале од заболувања како ревматизам, фибромијалгија или астма, откриле дека пливањето во зимскиот период ги олеснува болките.

#4 Ќе го намалите крвниот притисок. Ако страдате од хипертензија, пливањето е одличен начин да го намалите крвниот притисок. Една студија покажа дека во период од 10 недели, мажите и жените кои претходно биле неактивни, а имале хипертензија, значително го намалиле срцевиот ритам. Ова е особено корисно за луѓето кои се борат со други видови на вежби поради нивната тежина, астма или пак повреди. Друга студија покажа дека по една година редовно пливање, пациентите со хипертензија го намалуваат крвниот притисок, а истовремено ја подобруваат нивната инсулинска чувствителност, што е клучно за избегнување на дијабетес тип 2.

#5 Ќе живеете подолго. Истражувањето кое беше спроведено на повеќе од 40.000 мажи меѓу 20-90 години, покажа дека оние кои пливаа и беа вклучени во спортови во вода, имаа намален ризик за умирање од било која причина за речиси 50 проценти.

#6 Го намалувате ризикот од срцеви заболувања. Иако се сметаше дека велосипедизмот е спортот кој најмногу помага во зголемувањето на кардиоваскуларната функција и намалувањето на воспалението на срцевиот мускул, најновата студија покажа дека пливањето во најмала рака е подеднакво ефикасно како и возењето на велосипед.

#7  Ќе ја намалите болката во долниот дел на грбот. Заменете ги лековите против болки со тренинг во базенот. После 3 месеци (по 2 тренинга неделно) тренинг, 90% од луѓето кои чувствувале болки во грбот, повеќе го немале тој проблем.

#8 Пливањето ги користи мускулите кои обично не ги ангажирате. Лесно е за зглобовите, па затоа е идеално за луѓе кои страдаат од болки во нив.

Во неколку зборови, пливањето е прилично неверојатно!

3 програми за пливање за различни нивоа

#1 Тренинг за пливање за почетници

Главната цел е да се научат четирите главни стилови – краул или слободен стил, грбниот стил, градниот стил и пеперутка – и постојано да се пливаат без одмор, потпомог

нати со правилно дишење.

Должина на пливање: 700 метри (со одмор помеѓу секој сет)

  • 2 х 50 метри краул (загревање)
  • 2 х 50 метри грбно
  • 2 х 50 метри градно
  • 2 х 50 метри пеперутка (ако не можете да пливате во овој стил, тогаш пливајте краул)
  • 2 х 100 метри комбинација (по 25 метри од секој стил)
  • 2 х 50 метри краул

#2 Тренинг за пливање за оние кои се понапредни

Додека не ја совладате пеперутката, не треба да го форсирате тој стил. Тука целта е да се подобри вашата техника на пливање за сите четири стила и да развиете одлично дишење.

Должина на пливање: 1500 метри (правете одмор на секои 100 метри)

  • 300 метри загревање (наизменично сите четири стилови)
  • 4 х 100 метри IM (1 и 3 круг пливате спринт, а 2 и 4 нормално темпо)
  • 4 х 50 метри градно
  • 4 х 50 метри пеперутка (кога нема да можете сменете во краул)
  • 4 х 50 метри грбно
  • 200 метри (наизменично сите четири стилови)

#3 Тренинг за пливање за напредни

Напредниот тренинг вклучува повеќе предизвикувачки вежби за пливање и техники за дишење. Овие вежби ќе ве развијат во многу силен пливач со извонредна издржливост.

  • 300 метри краул загревање
  • 4 х 200 метри со наизменично дишење (50 метри на секој 6ти замав, 50 метри на секој 5ти, 50 метри на секој четврти, 50 метри на секој 3ти)
  • 3 х 100 метри (пеперутка, грб,гради)
  • 8 х 50 метри спринтови (пливајте го секој без да земете здив, правете кратка пауза после секој)
  • 8 х 25 метри спринтови (пливајте го секој без да земете здив, правете кратка пауза после секој)
  • 4 х 100 метри (правете пауза од 30 до 60 секунди после секои 100 метри)
  • 300 метри (наизменично сите стилови)

 


Е-маил адреса